11:49:49

Rojava News:  Wezîrê Derve yê Fransayê Jean-Yves Le Drian ragihand, ku "Ji bilî çareya leşkerî ti çare ji krîza Sûriyê re nîne."

Jean-Yves Le Drian di konfranseke hevbeş de ligel Wezîrê Derve yê Almanya Sîgmar Gabriel helwesta nû ya welatê xwe derbarê krîza Sûriyê de aşkere kir.

Jean-Yves Le Drian got, ji bilî çareya leşkerî ti çare ji krîza Sûriyê tune ye.

Bi gotina Le Drian çareya siyasî demdirêj e û pêwîst e di çarçoveya danûstandinên Cinêvê de kar li ser pêkanîna wê bihê kirin û hemû alî pabendî agirbestê bin.

Bi nerîna çavdêrên siyasî, ev helwest berovajî hemû helwestên welatên rojava û helwesta berê ya Fransayê derbarê krîza Sûriyê de ye.

Li gorî hinek çavdêrên siyasî, ev yekem car e bi awayekî eşkere Wezîrê Derve yê Fransayê helwesteke wiha tund tîne ziman