Rojava News: Nûnertiya Bilind a Mafê Mirovan a Neteweyên Yekbûyî da zanîn ku dibe ku hinek ji van sûcan weke qirkirin bên qebûlkirin.

Tabloya di raporê de cih digire, êrîşên li hemberî Êzidiyan hatine destnîşankirin û tê diyarkirin ku DAIŞ dixwaze tevahiya Êzidiyan tine bike.

Lêpirsînerên raporên gotin: “Ev yek bi awayekî xurt nîşan dide ku Dewleta Iraq-Şam a Îslamê qirkirinekê pêk anîbe.”

Ev rapora NY ji agahî û belgeyên ku lêpirsînerên ku  Nunertiya Bilind a Mafê Mirovan a Neteweyên Yekbûyi şandine herêmê kom kirine, pêk tê.  Di raporê de cih didin şahidiya zêdetirê sed kesên li Iraqê.

Roja 3’yê Tebaxa 2014 de, çeteyên DAIŞ’ê êrîş birin ser Şengalê û di encamê de bi hezaran kes bi awayekî hovane hatin qetilkirin û bi hezaran kes hatin revandin. Di nava kesên hatine qetilkirin, tecawizkirin û firotin de gelek keç jî hene. Heta niha têkildarî aqubeta kesên hatine revandin ti agahî tune ne. Bi sed hezaran kes neçar man ku ji ber êrîşan ji cih û warên xwe koçber bibin.

Lêpirsînerên raporê di rapora xwe didin diyarkirin ku dibe di encama van êrîşan de gelek hevpeymanên mafê mirovan û peymanên navneteweyî hatibin binpêkirin.

Di berdewama raporê de tê diyarkirin ku bi awayekî zalim û hovane êrîş dibin ser gel û baweriyên Kurd, Şiî, Xrîstiyan, Tirkmen, Sabîî, Mandaî, Kakeyiyan.