10:56:32

Rojava News: Hat ragihandin ku artêşa Îranê bi behaneya hebûna pêşmergeyên PDK û PDKÎyê çiyayên sînor ên Herêma Kurdistanê bombebaran dike.

Li gorî zanyariyên berdest, artêşa Îranê bi behaneya hebûna pêşmergeyên Partiya Demokrata Kurdistanê ya Îranê (PDK-Î) û Partiya Demokrata Kurdistanê (PDK) zozanên ser sînorê Herêma Kurdistanê û çiyayên kurdan ên Îranê dide ber tank û topan.

Li gorî nûçeya kanala Rûdawê hêzên artêşa Îranê îro careke din dest bi topbarana zozan û çiyayên sînor ên Herêma Kurdistanê kir.

Qeymeqamê Çomanê Ehmed Qadir derbarê mijarê de got: "Topxaneyên Îranê zozanên Kunerê û Kîfarîstanê yên li ser sînorê bajarokê Hacî Omran û devera Balekayetî topbaran dikin."

Ehmed Qadir di berdewamiya axaftina xwe de dibêje: "Di encama topbaranê de koçerek bi perçeyên topan birîndar bûye û agir bi pûş û giyayê navçeyê ketiye."