Rojava News: Komek parlamenterên Başûrê Kurdistanê serdana bajarê Kobanî yê Rojavayê Kurdistanê kirin.

Îro (13ê Sibatê) şandeke Parlamentoya Kurdistanê bi seredaneke fermî gihîşt Kobanî û li ber deriyê sînorî yê di navbera herêma Kobanî û Bakurê Kurdistanê de, ji aliyê Serokê Kantona Kobanî Enwer Mislim ve hat pêşwazkirin.

Şanda Parlamentoya Kurdistanê dê li gel rêveberiya Kantona Kobanî bicive û hemen rojê jî vegere Bakurê Kurdistanê.

Şanda Başûrê Kurdistanê bi boneya rizgarkirina bajarê Kobanî ji destê rêxistina DAIŞê, rêvberiya Kobanî xelat kir.
 

Hat gotin ku şanda Parlamentoya Kurdistanê dê raporekê li ser rewşa Kobanî pêşkêşî parlamentoyê bike.