2017-08-26

Rojava News:  bi berdewamiya çalakiyên bi helkefta nêzîkbûna refrendomê li başûrê Kurdistanê, Rêxistina  Partiya Dîmoqrata Kurdistan -Sûriya  şaxê Libnanê li bajarê Kefer Dubyan ku bi ser  bajarê Berûtê ve ye duh di 25/8/2017an komcivînek bi rêvebiriya Mustefa Hubo endamê komîteya navçeya PDK-Sê û bi beşdarbûna  gelek dost û hevalan hate li darxistin.

Piştî rawestandina deqak bê deng li ser giyanê pakrewanên  Kurd û Kurdistanê û bi taybet Barzaniyê nemir û pakrewanên şoreşa Sûriyê,  Hibo bixêrhatina beşdaran kir û axaftin li ser rewşa siyasî li Kurdistana Sûriyê û rola ENKSê di danûstandnên ku niha bi rê ve diçin û berdewamiya binçavkirina di derheqa serkird û kadiroyên PDK-Sê û binpêkirina mafên mirovan li seranserî Kurdistana Sûriyê şirûvekir.

Hubo di berdewamiya axaftina xwe li ser rêfrendoma başûrê Kurdistanê rawestî û  got: “li dawiya dawî miletê kurdistanê bi erênî wê dengê xwe li ser  serxwebûna Kurdistanê li ser destê serokê netewî birêz Mesûd Barzanî  bidin û ji ber raya navdewletî wê li dawî bi îreda miletê Kurd re be  ”.

Hubo li dawiya axaftinên xwe de derî ji pirsan re vekir û bersîvên  beşdaran şirovekir û ew spas kirin û ji berî dawiya komcivînê, Hubo ew vaxwendin bi beşdarbûna mangirtinek piştgiriyê li pêşiya Komîsyona  Ewripî  û Neteweyên Yekbûyî  kû PDK-Sê  piştevaniya xwe ji bo refrendoma başûrê Kurdistanê wê xwe jê re amede bikê û bi rê ve bibe.

Qadî