2017-09-06

RojavaNews: Di demeke ne dûr de PYDê  hêzeke taybet di nav xwe de çêkiriye, di bin navê  şaxa ewlehiya giştî ( Parastina Welat), karê  bi wan hatî  hilpesartin çavdêrî û şopandina liv û çalakiyên  partiyên ENK-Sê li Rojavayê Kurdistanê bikin.

Lor gor jêderikî ji Efrînê û li ser zarê berpirsê Komînekê ji RojavaNews re eşkerekir:” PYDê li her deverikê navendeke ewlehî dirustkiriye û karê wê bi taybet çavdêrî û şopandina çalakiyên xelkê bike û bi taybet şopandina kar û civînên ENK-Sê li Rojavayê Kurdistanê bike, da ku karibin çalakiyên ENK-Sê rawestînin an jî tinebikin, di riya raporên andamên parastina welat wê karên xwe yên rojana li dijî her kesekî bikin û raporên xwe ji PYDê re hildin”.

Tê zanîn PYDê bi dehan rêxistin û navendên ewlehiyê li Rojavayê Kurdistanê wek çekdarên ciwanên Şoreger, cihên Komînan û hêzên taybet yên dijî terorê dirust kirine û karên wan yên taybet şopandin û çavdêriya çalakvanan bikin û li dijî her çalakiyekê rawestin û hinek ji çalakvanan binçavbikin an jî birevînin û bibin cihên ne diyar û ev ne cara yekêye ku ev hêzên ser bi PYDê ve bi van karê terorê radibin, ji şewitandin û girtina nivîsgehên ENK-Sê,  binçavkirina dost û hevalên wan bi dehan li seranserî Rojavayê Kurdistranê, da ku karibin heyama sîyasî tinebikin yan jî bi zorê edyolociya xwe tek alî  li ser civaka Kurdî ferzbikin û şaxa Parastina Welat yek ji wan şaxên nû hatiye  diristkirin li ba xelkê cihê pirs û gûmanê ye.

Herwiha, PYDê bi duristkirna ev şaxê nû yê navborî li Rojavayê Kurdistanê cihê pirs û nerazîbûnê ye,  ji ber armanca pê hatiye çêkirin nakeve xizmeta yekrêziya miletê Kurd, wê tenê  li dijî çalakiyên partiyên ENK-Sê werê bi kar anîn. 

Qadî