2017-09-16

RojavaNews: Di rûniştina awarte ya şeva bihurî de, parlmantoya Kurdistanê bi piraniya dengan biryara birêvebirina rêferandoma serxwebûna Kurdistanê erê kir.

Şeva bihurî  bi beşdariya73endamê  parlemantoyê, ji bilî firaksiyonên Goran û Komela Îslamî, parlemantoya Kurdistanê rûnştina xwe li darxist .

Li gor naveroka rasperdeya pesendkirî, rêferendom di dema xwe ya diyarkirî de li Herêma Kurdistanê û navçeyên Kurdistanî yên li derveyî Herêma Kurdistanê wê bêne  kirin.

Rûniştina şeva bihurî li ser daxwaza 62 parlemanteran , ku îmze kom kiribûn ji bo encamdana wê rûniştinê û 73 parlemanter di rûniştinê de beşdar bûn.

Li gor rêkeftina firaksiyona PDK û YNKê li ser karnameya rûniştinê, Sekreterê Parlemantoyê hate destnîşankirin û Pêştir hat aşkere kirin, ku li gor rêkeftina di navbera firaksiyonan, biryar e Pêgerd Talebanî  ji  firaksiyona YNKê bi awayekî demkî dibe Sekretera Parlemantoyê. 

Herwiha  ligel rijdbûna firaksiyonan li ser encamdana rûniştina parlemantoyê, her yek ji Tevgera Goranê û Komela Îslamî  beşdarbûna rûniştinê  red kirin.

hêjayî gotinêye ku perlemanê  Herêma Kurdistanê ji 2015an ve rawestabû,û ev yekemî rûniştina  jêre ,piştî ku dest bi berdewambûna kar kir.

Qadî