11:36:45 AM

RojavaNews :Duh înê 6ê meha Cotmeha 2017an ,Şandeya  Nivîsgeha Pêwendiyên Niştimanî ya Partiya Demukrata Kurdistan-Sûriya PDK-Sê bi Serokatiya Mamoste Se,yîd Umer  Beşdarî merasîmên oxirkirina termê Serokê Îraqê yê berê û Sikretêrê giştî yê Partiya Yekîtî Niştimanî Kurdistanî  Mam Celal Talebanî,li parêzgeha Silêmaniyê  kir .

Şandeyê Sersaxî ji ji malbata ” Mam Celal” , Partiya Yekîtî Niştimanî Kurdistanî,tevahita miletê Kurdistanê û Îraqê re xwest.   

Dinav merasîmê de ,Şandeya  Nivîsgeha Pêwendiyên Niştimanî ya Partiya Demukrata Kurdistan-Sûriya PDK-Sê û Sekretêrê Partiya Demukrata Kurdistan-Îran Mustefa Hecrî ,û Serokê berê yê Şarewaniya Amedê û cîgirê Serokê Partiya Gelan a Demukratî HDPê Osman Baydemir ,hevdîtin,di hevdîtinê de tekezî li ser yekîtiya yekrêziya Kurdî û çarenivîsa kurdî li her çar parçeyên Kurdistanê hate kirin .  

Têzanîn ku “Mam Celal  “ sala1933an li devera Koya jidayîk buye,û roja Sêşemê 3yê meha Cotmeha 2017an li yek ji Nexweşaneyê Berlîna Elmanî, di temenê 84Salî de  ,jiyana xwe ji dest da ,piştî ku nîzî 5salan Şerekî dirêj bi nexweşiya xwe re kir.

Serokê Kurdistanê Mesûd Barzanî li ser  barkirina” Mam Celal”7 roj reşgirêdan li tevahiya Kurdistanê, Ragihand.

Elî Umer