8:44:20 AM

RojavaNews: Artêşa Tirkiyê û grûpên çekdar ên ser bi Tirkiyê ve ji Keleha Semaan topan diavêjin gundên Şêrawa yê ser bi bajarê Efrînê ve û bi taybetî gundê Basofanê.

Jêderekê ji gundê Basofanê ji rojavaNews re ragihand, ku Artêşa Tirkiyê  û grûpên çekdar ên ser bi Tirkiyê ve îro, ku li Keleha Semaan bicih bûne, gundê Basofanê û hin gundên din, li nahiyeya Şêrawa, didine  ber lêdanên top û tank û doşkayên xwe.

Li gorî heman jêderê , ev armanckirina gundê Basofanê ji aliyê  Artêşa Tirkiyê ve ta vê demê bi topên giran berdewam e û ev topbaranên giran bûne cihê metirsiyê. 

Xelkê devera Şêrawa dibêjin, ku di van çend hefteyan de Atrêşa Tirkiyê û grûpên çekdar ên ser bi Tirkiyê ve gelek  caran  gundên Herêma Efrînê bi çekên giran topbaran kirine, lê ziyan tenê madî ne, û bang li Rêxistinên Mirovî kirin, ku êrîş û topbaran werin rawestandin.

Qadî