11:05:48 AM 

RojavaNews: Duh, roja Yekşemê, 3 mayîn di mala Arêf Menan Xeco li gundê Qenterê yê ser bi navçeya Mabeta ve, teqiyan  û di encama wan  teqînan de  mala wî bi temamî hat rûxandin.

Jêderekê ji gundê Qenterê ji RojavaNews re ragihand, ku duh roja Yekşemê  3 mayîn  di mala Arêf Menan Xeco de ji gundê Qenterê  yê  ser bi navçeya Mabeta ve teqîyan û di encama wan teqînan de  mala wî bi temamî  hat rûxandin.

Heman jêderê ragihand, ku li gundê Qenterê ev pênc caran rastî teqîna mayînan tên û hejmara qurbaniyan gîhane 5 kesan û hejmarek ji malan hatine rûxandin ji ber mayînên ku çekdarên PYDê di  malên welatiyên wî gundî de çandine.

Ev ne cara yekê ye, ku mayînên çekdarên PYDê Çandine li seranserî Herêma Efrînê, dema ku welatî vedigerin malên xwe di nava wan de yek li rex yekî diteqin û di encama wan teqînan de  hejmarek ji welatiyan bûne qurbanî û bi taybet teqînên ku li bajarê Efrînê hatine rûdan û bi dehan mal hatine rûxandin û bi dehan jî kesên sivîl bûne qurbanî.

Tê zanîn ku çekdarên PYDê bi hezaran mayîn di nava mal û milkên welatiyên Efrînê de çandine, piştî vekşandina wan bi temamî ji Efrînê û ev kiryar bûye cihê şermezariyê  û welatiyên Efrînê ku dema vedigerin malên xwe di metirsiyeke giran de dijîn û bang li rêxistinên mirovî  dikin  ku ew mayîn bi zûtirîn dem werin hilkirin û paqijkirin.

M. Qadî