09:30:36

Rojava News: Serokwezîrê Tirkiyê Binalî Yildirim gihişte Hewlêrê û ji aliyê Serokwezîrê Herêma Kurdistanê Nêçîrvan Barzanî ve hate pêşwazîkirin.

Îşev demjimêr 0.30ê 08-01-2017) Serokwezîrê Tirkiyê Binalî Yildirim ligel şandekê, ji Bexdayê gihişte Hewlêrê.

Binalî Yildirim li Firokexaneya Navdewletî ya ji aliyê Serokwezîrê Herêma Kurdistanê Nêçîrvan Barzanî, Serokê Navxweyî Kerîm Sîncarî, Wezîrê Tenduristiyê Rêkewt Heme Reşîd, Wezîrê Perwerdeyê Piştîwan Sadiq, Berpirsê Têkiliyên Derve Felah Mistefa, Berdevkê Hikûmetê Sefîn Dizeyî, Serokê Dîwana Serokatiyê Fûad Huseyn û mutercimê Serokê Herêma Kurdistanê Mesûd Barzanî Doktor Ebdulselam ve hat pêşwazîkirin.

Yildirim dê li Hewlêrê jî ligel Serokê Herêma Kurdistanê Mesûd Barzanî û Serokwezîr Nêçîrvan Barzanî hevdîtinan bike

Di şanda Tirkiyê de Serokwezî Bînalî Yildirim de Wezîrê Aboriyê Nîhat Zeybekçî, Wezîrê Vejen û Çavkaniyên Sirûştî Berat Albayrak, Wezîrê Gumrik û Bazirganiyê Bulent Tufenkçî, Wezîrê Perwerdeyê Îsmet Yilmaz, Wezîrê Bergiriyê Fîkrî Işik, Wezîrê Tenduristiyê Recep Akdag, Cîgirê Serokê AK Partiyê û Parlamenterê Stenbolê Mehdî Eker, Cîgirê Serokê Grûba AK Partiyê û Parlamenterê Çanakkaleyê Bulent Tûran, Parlamenterê Diyarbekirê Galîp Ensarîoglu, Parlamenterê Mêrdînê Orhan Mîroglu, Balyozê Tirkiyê li Bexdayê Farûk Kaymakçî cîh digrin.

Hêjayê gotinê ye, ku ev cara yekemîn e ku Yildirim weke serokwezîrê Tirkiyê serdana Herêma Kurdistanê dike. Berî Yildirim, Serokomarê Tirkiyê Recep Tayyîp Erdogan û Serokwezîrê berê Ahmet Davûtoglû jî wek serokwezîr seredana Hewlêrê kiribûn.