Rojava News: Çekdarên DAİŞê piştî dohî ketin bajarê Dêrezorê 250 mirov kuştin û nêzîkî 400 kesan jî revandin.

Rewangeha Sûrî mafên mirovî aşkere kirîye ku, terorîstên DAİŞê doh piştî ku beşek  ji Bajarê Dêrezorê devera Bixêliyê kontrol kir, bi dehan kes  bidar vekirine.

Li gorî zanyarîyên Ajansa Routersê jî  terorîstên DAİŞê  êrîşî taxa Bexêlîyê ya bi ser Dêrezorê ku berê dibin kontrola rejima Sûriyê de bû kir, bi dehan serbazên Sûrî û malbatê wan  hatine gulebarankirin.

Hatiye zanîn çekdarên Rêxistina terorîstî DAİŞê hin kes li sêdarê dane, û hin kes jî bi gulereşinê kuştine.

Herweha  li gorî agahiyên Rewangeha Sûriyê ya  mafên mirovan, terorîstên DAİŞê doh 250 kes li bajarê Dêrezorê bidar vekirine

Li gorî zanyariyên hemen rewangehê; Çekdarên DAİŞê  li rojavayê Bakûrê bajar jî 400 kes  desteserkirine û revandine.

Tê iddîakkirin ku çekdarên DAİŞê  kesên ew kesên  revandine ber bi bajarê Raqqayê ve veguhestine.

Şanaz Emin