Di Bîranîna "91" Saliya Damezrandina Qamişlo de Helbestvanê Kurd Konê Reş helbestekê diyarî dike.

Di Bîranîna "91" Saliya Damezrandina Qamişlo de Helbestvanê Kurd Konê Reş helbestekê diyarî dike.

5:23:24 PM

21/08/2017 

 RojavaNews :Bajarê Qamişlo yan jî (Bajarê Evînê)wek ku Xelkên wê hesdikin binavkin ,ku bêtirî welatiyên wê kurdin, di gel pêkhatên din wek Ereb-siryan-Ermenî-kildan Aşûrî û netewne din pêkhatiye,û ji Olên Mislman bi piraniya xwe -Fileh -cihû-Êzîdî-û olne din pêkve dijîn.

Qamişlo nîzîkî Şûnmayê  Bajarê Orkêş a dîrokî ye,Bakurî Ҫiyayê Torosê ye,ji 38 k.m Ҫargoşe pêk tê ,bê nawçeyên xwe,hejmara welatiyên wê di 2014an de "425,580 kes e ,li gor hin jêderan" gelek kesayetên wê yên navdar hene,ji wan kesan (Aram Dîkran-Iskender Ezîz -Mihemed Şêxo-Ciwan Haco-Selîm Berkat-Cankarat-Cegerxwîn-Se,yîd Yûsiv) û ji bilî wan jî pir kesayet hene.

Di Bîranîna  "91" Saliya Damezrandina Qamişlo de,di lêdwaneke teybet bi Rojava News re  Helbestvan û Ronakbîrê  Kurd Konê Reş helbestek diyarî Qamişlo û hemîQamişlokiyan di vê rojê de  kir :                  

         

Xanima min, Qamişlo!

 

Konê Reş

 

Te çi divî be

Bela ji te re be

Bela bejna qamîş û qamir

Li ber bayê te

Bêne hejandin..

Di zayîna te ya nû de

Kêm kes dikarin

Di vî asoyê te yê xemgîn de

Mirinê bi afirînin..

Di vê xaka te ya bi xwîn de

Wê xortên nû bêne şîn bûn û

Her tê weke xwe bi mîne

Tê weke xwe bimîne û

Wê careke din

Li ser peravê çemê Ceqceq

Hevdîtina yaran

Girnijandina yaran

Dilketina yaran

Jiyanê xweş bikin

 

*          *          *

Qamişlo, Xanima min!

Çendî çolistanê hewildaye ku

Kirasê xwe li te bike

Kirasê wê li te teng derketiye û

Kirasê çiyayî ji te

Ne hatiye kirin..

 

*          *          *

Xanima min!

Îro stêrka te di asmanê welat de

Di çirise

Bi hewildane ku careke din

Çemê Ceqceq bi herike

Careke din

Ava kaniya Reş û Spî

Hilm û bîna çiyayê

Bagokê û Omeriyan

Bi ser me de

Bi fûrîne..

Serxet û Binxetê

Ji ferhenga xwe bavêje..

 

*          *          *

Xanima min!

Êdî bese, bela bes

Dergevanên dergehên te

Zêrevaniya xewnên me

Bikin û

Gemîvaniyên xwe

Di nav deryaya kul û xemên me de

Werkin..

 

*          *          *

Xanima min!

Hêsrên şor

Bi ser dêmê min de

Di xindirin, dinesilin û

Qet nikarim xwe

Ji bejna te

Daweşînim..

Hestî ji goşt derînim û

Hêj dengê Cegerxwînê Hesarî;

Kîme Ez!

Di qulên guhê min de

Li hev vedigere..

 

*          *          *

Xanima min!

Bi hêvîme tu nebe

Ardiwê gunehkaran

Di destê Bekoyan de..

Wê tev bi revin û koç bikin

Stêra tevan wê here ava

Bi tenê tê bi mîne

Dîdevanê demê û

Roka te

Qet naçe ava

Ji ber ku

Asman yê te ye

Aso yê te ye

Qamişloka min

Xanima min

Evîna min..!

her weha rewşenbîrê kurd Konê reş di rûpela xwe ya (facebook ) ê de jî daxwaziyek belavkir bi navê" werin em bi hevre roja avakirina Qamişlo li darxin" bi hemû pêkhatên bajar (Kurd-Ereb-Fileh-Siryan-Ermen û cihû)

 

Elî Umer