12:45:02

Rojava News: Rêwresmên bi dawî hatina çaremîn filme festîvala Duhok ya filman û hevdem parvekirina xelatan jî bi rêveçû û çendîn kurte filmên Kurdî xelatên baştirînên festîvalê bi destxistin.

Xelat li ser baştirînênên çaremîn filme festîvala Duhok ya nêvdewletî hatin parvekirin û têda baştirîn flim û baştirîn derhêner baştirîn sînaryo û baştirên filmê dirêj yê Kurdî û kurte filmê Kurdî, û baştirîn kurte filmê bîyanî, xelatê dadweran bo kurte filmê Kurdê û xelatê sînema bo aştîyê, xelatê peymangeha Frensî bo baştirîn belge filmê nêvdewletî hatine dan.

Di rêwresmên parvekirina xelatan da, filmê Hac Hacîk ji derhênana Mano Xelîl xelatê baştirîn filmê parêzgeha Duhokê bi destxist û xelatê sînema ji bo aştîyê, bi filmê (beheşta min) yê derhêner Ekrem Heydu ra hate dan, kurte filmê ( ze tranisleyter) bi baştirîn filmê dadweran hat helbijartin.

Herwesa di berdewamîya parvekirina xelatan da, filmê (dayk) xelatê baştirîn filmê bîyanî bi destxist û filmê (ze bus) ji derhênana Rizgar Hisên xelatê baştirîn kurte filmê Kurdî bi destxist, xelatê bîneran bi filmê mala bê ban yê derhêner Solîn Yusif hate dan, kurte filmê sîber bi baştirîn filmê dadweran hat helbjartin, xelatê baştirîn filmê dîkomentî yê Kurdî bi filmê golistan ra hate dan filmê Reûf xelatê baştirîn filmê Kurdî bi dest xist û xelatê Yilmaz Gûney yê baştirîn filmê cîhanî yê dirêj, filmê Miy Fathir Wingis bir.