13:05:12

Rojava News: Derbarê lîstikvanê Amedsporê Denîz Nakî de, bi tometa ku “liser torên civakî propagandaya terorê kiriye” doz hate vekirin.

Serdozgeriya Komarê ya Amedê, derbarê Denîz Nakî de doz vekir û daxwaza 5 sal girtinê kir.

Di îdîanameyê de hate gotin ku Nakî li ser navnîşana xwe ya Facebook û Twitterê, bi 7 parvekirinên cuda, propagandaya terorê kiriye.

Roja 31ê Çileya 2015ê, di çarçoveya Kûpaya Zîraat a Tirkiyê de, Amedspor li hember Bursasporê bi 2-1 serketibû.

Nakî li ser vê yekê li ser navnîşana xwe ya tora civakî gotibû, “Em vê serkeftinê pêşkeşî wan kesan dikin ku li hember zulma li welatê me tekoşînê dikin û canê xwe feda dikin. Her bijî Azadî.”

Nakî derbarê van parvekirinan de gotibû ku ew peyamên aştiyê dide.