2017-08-19
Rojava News:Li gorî jêdera navenda ragihandinê Ya Partiya Dîmoqrata Kurdistan Sûriya , şeva bihorî ku bajarê Efrin û gundê Qestelê rastî moşekên ji aliyê bajarê Ezazê ve hatibûn.
li gorî jêdera navenda ragihandinê ya navborî ji Rojava News re ragihand: ku şeva bihorî moşekek li bajarê Efrînê li nêzîkî navenda rewşenbîrî û çar yên din li gundê Qestelê ketin, di encama vê topbaranê de gelek ziyanên madî bi mal û milkên xelkê kiribûn lê ti kuştî û brindar tinebûn.
Norî Birîmo, endamê komîta navendî ya PDK-Sê ji Rojava News re ragihand ku ti mafê Tirkiyê nîne ku herêma Efrînê û xelkên sivîl topbaran bikê.
Herwiha, jêder da xûyakirin ku ev zincîrên tpobaranê li ser bajarê Efrîn û gundên derdora harêma wê cihê şermezariyê ye û metirsiyên rasteqîne di nav xelkê de belavdike ji ber gundî nekarin biçin nav baxçe û zeviyên xwe de karbikin û li dawiyê ziyana xwe li ser berhemên çandinê zêdedike.
Hêjayê gotinê ye, ev ne cara yekê ye ku herêma Efrînê ji çar aliya ve rastî topbaranên hovane ji aliyê artêşa Tirkiyê û girupên islamî ser bi wê ve tên û, ev sedemek serekiye belavkirina metirsiyê di nav nişteciyên Efrînê ku berê xwe bidin dervayî herêmê.
Mustefa Qadî