1:57:26 PM
RojavaNews: Îro rojan Şemiyê 16.6.2018an, mayînek li goristana gundê Sînka yê ser bi navçeya Şera ve, teqiya û di encama wê teqînê de zarokeke 13e salî bi navê Diyar Ebdulqadir Sîdo şehîd ket û 4 kesên din jî ji yek malbat birîndar bûn.
Jêderekê ji navçeya Şera ji RojavaNews re ragihand, ku îro roja Şemiyê, dema welatiyên gundê Sînka derin goristana wî gundî û dixwastin sûreta Yasînê ji Quranê bixûnin, mayînek teqîya û di encama wê teqînê de zarokek 13 salî bi navê Diyar Ebdulqadir Sîdo ji malbata Sîdo şehîd ket û 4 kesên din jî ji heman malbatê birîndar bûn.
Tê zanîn ku çekdarên PYDê bi hezaran mayîn di nava mal û milk û zeviyên welatiyên Efrînê de çandine, piştî vekşandina wan ji gundewarên Efrînê û teqîna mayînan roj bi roj dibine cihê metirsiyê û welatî bang li rêxistinên mirovî û navdewletî û bi teybet dewleta Tirkiyê dikin ku ew mayîn bi zûtirîn dem ji erdê werin hilkirin.
M.Qadî