RojavaNews :Balafirên şer ên hevpeymanan 13 êriş birin ser navendên çekdarên DAIŞê li Kerkûkê û di encam de Waliyê DAIŞê li Kerkûkê û 80 çekdar hatin kuştin.
Desteya Ragihandina Şer a girêdayî Encûmena Wezîran a Iraqê di daxuyaniyekê de ragihand: “Di encama bombebarana balafirên şer ên hevpeymaniya navdewletî bo ser baregeh û çeperên DAIŞê li navçeya Riyaz a li rojavayê parêzgeha Kerkûkê, Waliyê DAIŞê yê li Kerkûkê hat kuştin.”
Di daxuyaniyê de hat gotin: “Di vê bombebaranê de balafirên şer ên hevpeymanan 13 caran bi dijwarî li navendên DAIŞê dan û di encam de zêdetirî 80 terorîstên wê rêxistinê hatin kuştin.”
Li gor vê daxuyaniyê, di wan êrişan de gelek kelûpel û amûrên leşkerî, çekên giran û navendên DAIŞê jî hatin têkbirin.
rorîstên DAIŞê jî hatiye kuştin
