Rojava News: Ji ber rewşa dijwar a seqayê, di nav malbateke penaber de li Êlihê, zarokekî 4 mehî canê xwe ji dest da.

Ew malbata ji Kurdistana Sûriya ye, di konekî de li Êlihê jiyana xwe derbas dikin, ligel hatina werzê Zistanê, barîna berfê û daketina pileyên germayê, rojên dijwar derbas dikin.

Ji ber berf û sermayê jî, zaroka malbatê ya 4 mehî canê xwe ji dest da.

Bavê wê zarokê, Ayid Xidir Elî diyar dike ku ew ji ber mirina li welatê xwe reviyane û bûne penaber, lêbelê niha jî ji ber sermayê perçeyek ji canê xwe, xistine bin axê.

Elî destnîşan dike ku zarokên wî nexweş ketine û eger di vê Zistana dijwar de sotemenî bidest wan neke, dê zaroka wî ya 3 salî jî canê xwe ji dest bide.

Ayid Elî zaroka xwe ya 4 mehî di tirbeskê li nêzîk konê xwe de, spartiye axê.

09:03:04