Rojava News: Li bakûrê Kurdistanê  ji ber berfê rêya 600 gundan hatin girtin.

Li Wanê rêya 217 gundan, li Mûşê rêya 130 gundî, li Bilîsê rêya 250 gundî û li Colamergê jî  rêya 3 gundan ji ber berfê hatin girtin.

Li Wanê ji duh êvarê heta sibê berf barî. Ji ber berfê rêya 217 gundan hat girtin. Ekîbên Şaredariya Bajarê Mezin a Wanê ji bo ku rêyan vekin, xebatên xwe didomînin. 

Li Mûşê duh êvarê berfê dest pê kir û rêya 130 gundên bajêr hatin girtin.

Ekîbên Îdareya Taybet ya Bajêr heta nîvê şevê rê vekirin û îro jî xebatên rêvekirinê didomînin.

Li Bilîsê piştî ku berf barî rêya 250 gundî hat girtin û hat gotin ku ekîbên berfê ji bo ku rêyan vekin, xebatên xwe didomînin.

Ji ber ku mij û dûman e, ekîbên trafîkê çûnûhatina rêya Bilîs û Tetwanê kontrol dikin. 

Bajêr di berfê de ma, esnafên ku serê sibê dikanên xwe vekirin, berfa ber dikanan paqij kirin. 

Li Şemzînana navçeya Colamergê jî rêya 3 gund û 7 mezrayan ji ber berfê hat girtin û hat ragihandin ku ekîbên Îdareya Bajêr ji serê sibê û vir ve dixebitin ku rê vekin.