11:11:20
Rojava News: Li gorî sazî û navendên mafên mirov ên Kurdistana Rojhilat, 21 girtiyên siyasî yên kurd, bi hêceta ku li dijî îslamê xebat kirine u demek dirêj bû di girtîgehê de li benda cezayê îdamê bûn, duh danê sibê hatin îdamkirin.
Tê gotin ku ew girtiyên kurd, bi hêceta ku li dijî îslamê xebat kirine û alîgir û endamên rêxistinên radîkal û selefî bûne, hatibûn girtin û fermana mirina wan hatibû dayîn.
Li gorî agahiyên BasNewsê, piraniya wan kurdên ku hatine îdamkirin, xelkê bajarê Sine û deverên derdora Sine bûn.
Îranê par jî 6 girtiyên siyasî yên kurd bi heman hêcetê îdam kiribû.
