Rojava News: Li herêma Efrînê di encama êrişekê de 5 kes hatin kuştin û gellek kes jî birîndar bûn.

Doh  piştî nîvro rokêtek li xala kontrolê ya YPGê li Gundê Qitmê yê Efrînê ket, ku di encamê de 5 kes hatin kuştin.

Li gor agahiya 3 şervanên YPGê û 2 jî sivîl jiyana xwe ji dest dane.

Hat zanîn ku birîndar ji bo Nexweşxaneya Avrînê ya bajarê Efrînê hatine şandin.

Li gorî malperên nêzîkî PYDê jî, di bûyerê de 3 kes birîndar bûne.

Çend rojan beriya niha jî li heman cihî, teqînek çêbibûû ku di encamê de 4 şervanên YPG û YPj şehîd bibûn û 4 sivîlên ereb jî jiyana xwe ji dest dabûn, her wiha 17 kes jî birîndar bibûn.

Heta niha nehatiye zanîn ku ew rokêt ji aliyê çi hêz yan rêxistinekê ve hatiye avêtin.