Rojava News: Serokê Herêma Kurdistanê Mesûd Barzanî serdana eniya Guwêr-Mexmûrê ya Pêşmerge kir û bi Pêşmerge û fermandeyên Pêşmerge re civiya.
Serokê Herêma Kurdistanê û Fermandeyê Giştî yê Hêzên Çekdar ên Herêma Kurdistanê, Mesûd Barzani bi hevaltiya Şêwirmendê Encumena Asayişê ya Herêma Kurdistanê Mesrûr Barzanî serdana eniya Guwêr-Mexmûrê kir.
Barzanî li wir bi Pêşmerge û fermandeyan re civiya û spasiya wan kir ku karîn li eniya Guwêr-Mexmûrê plan û êrişên terorîstên DAIŞê bişkênin.
Di serdanê de Barzanî behsa canfîdayî û qehremantiya Pêşmerge di şerê DAIŞê de kir û şîreta wê jî kir ku divê her dem hişyar û hazir bin û çeperên xwe mukim bigirin û dujmin ciddî bigirin.
