01:47:09

Rojava News: Serokê herêma Kurdistanê Mesûd Barzanî îro bi armanca beşdarbûna konferansa asayîşa cîhanî ya Munchenê li Almanyayê çû dervey welat.

Li gor daxuyaniya serokatiya herêma Kurdistanê; îro 16.02.2017ê serokê herêma Kurdistanê birêz Mesûd Barzanî bi armanca beşdarbûna li konferansa asayîşa cîhanî ya li bajarê Munchenê ya Almanyayê, li gel şandeyeke leşkerî û siyasî ya herêma Kurdistanê ve bi rêya balefirgeha navnetewî ya Hewlêrê ve ber bi dervey Kurdistanê rê ketiye.

Herwaha li gel konferansê serok Barzanî li gel hejmarek rêveber û berpirsên siyasî yên welatên beşdar dê bicive.

Cîhê amajê ye ku di vê serdanê de sekreterê Partiya Sosyalîst a Demokratîk a Kurdistanê Mihemed Hecî Mehmûd û endamê polîtburoya YNKê Şêx Cefer Şêx Mistefa û endamê polîtburoya PDKê Omer Osman, serokê dîwana serokatiya herêma Kurdistanê Dr. Fuad Husên, endamê encûmena rêveberiya PDKê Hêmin Hewramî û berpirsê bi vekalet ê wezareta Pêşmerge Enwer Hacî Osman di vê gerê de li gel serokê herêma Kurdistanê Mesûd Barzanî cîh digrin.