13:36:45
Rojava News: Serokomarê Tirikiyê Recep Tayyip Erdogan dibêje, Tirkiye dê li hember zêdebûna hejmoniya Îranê li Sûriye û Iraqê bêdeng nemîne.
Serokomarê Tirkiyê Erdogan duh ji televîzyona Spanî re axivî û behsa rewşa Sûriye û Iraqê û rola Îranê li wan welatan kir.
Erdogan bi tunî rexne li Îranê girt û got, ewa ku Îran li Sûriye û Iraqê dike, ji bilî nasyonalîzma farsî tiştek din nîne. Helbet em vê yekê qebûl nakin.
Serokomarê Tirkiyê anî ziman ku ewê li hember zêdegavî û zêdebûna hejmoniya Îranê li Sûriye û Iraqê bêdeng nemînin.
Ev cara yekem nîne Erdogan bi vî rengî êrişî Îranê dike ji ber ku Erdogan beriya niha jî bi tundî êrişî Îranê kiribû û Îran bi mezhebçîtiyê tohmetbar kiribû. Îranê jî bi tundî bersiva wî dabû.
Pispor û çavdêrên siyasî dibêjin Îran dixwaze “Hîlala Şîe (kevana şîe) di navbera Yemen, Sûriye, Iraq û Libnanê de ava bike.