Rojava News: Îro hêzên asmanî yên Fransa li Suriyê yekem operasyona xwe li dijî DAIŞê pêkanî.
Serok Komarê Fransa yê Francois Hollande bi daxuyaniyekê ragihand ku: “Balafirên me li Sûriyê li çend cihên DAIŞê dan. Ew lêdan bi piştgiriya zanyariyên îstixbaratî bûn ku beriya 2 hefteyan ketibûn destê me de.”
Serok Komarê Fransayê di daxuyaniya ku bi rê ya nivîsengeha xwe de hatiye belavkirin de got: “Me di nava hevpeymaniya navdewletî de û hevahengî ligel hêzên endam tê de li DAIŞê da.”
Serokatiya Fransa tekez kir ku, ew rijd in li ser jinavbirina DAIŞê, lê ti hûrgilî li ser wê operasyonê neda.
20:24:28
