Rojava News: Li gorî hin berpirsên Amerîkî û afganî, di encama êrîşeke esmanî de radyoyeke DAIŞê li Afganistanê bi navê Dengê Xilafetê hate rûxandin.

Di daxuyaniyeke fermî de, berdevkê operasiyonên Amerîkî û Natoyê li Afganistanê Mayik Lohorn ragihand:" Me du êrîşên esmanî lidijî terorê li devera Aşîn li wîlayeta Nangarhar pêk anîne".

Ji aliyê xwe ve jî berdevkê desthilatdarê wîlayeta navbûrî Eta Elellh Xociyanî ragihand: "Di encama wan êrîşan de radyoyeke DAIŞê bi navê Dengê Xilafetê hate rûxandin  û 21ê terorîstên DAIŞê hatin kuştin ku 5 ji wan li wê radyoyê kar dikirin".

Ew radio ji wê wîlayetê bi şêweyekî neyasayî bexşa xwe birêve dibir  da ku xelkê teşwîq bikin ku tevlî wan bibin .

Nalîn  

 11:23:03 AM