Pêwîst e, serok ji kolanan bê hilbijartin ne ji perlementoyê de

Pêwîst e, serok ji kolanan bê hilbijartin ne ji perlementoyê de

 

Pêwîst e, serok ji kolanan bê hilbijartin ne ji perlementoyê de

 

Kone reş

 

Bi min xweş e ku ez jî dewla xwe, di mijara hilbijartinên Serokatiya Herêma Kurdistanê de dakim. Ez jî kurd im û dilê min bi ser Kurdistana min ve ye, xêr û pêşketinê bo wê hêvî dikim...

Di baweriya min de, divê xelkên Kurdistanê serokê Herêma Kurdistanê hilbijêrên ne perlementoyê Kurdistanê.. Ji ber ku 40% ji xort û keçên nûhatî li Herêma Kurdistanê ne di partiyên siyasî de ne û da ku rê li ber partiyên siyasî bê girtin, divê biryara hilbijartina serokê herêmê di destê cemawer de be, di destê tev xelkên kolanan de be, ne tenê di destê perlemento û rêkxistinên siyasî de be..

Di dewletên demokrat de, wek Fransa, Swêsra, Swêd ku perleman li ser bûyerekê îmze dike û ew bûyer ne bi dilê cemawer be, ew cemawer xwepêşandanan dikin û di encam de, perlementoya wan neçar dibe ku ji biryara xwe vegere.. Anku hêza cemawerê kolanê ji hêza endamên perlemento duristire.. Hêza cemawerê kolanên herêma Kurdistanê ji hêza endamên perlemanê Kurdistanê bi hêz û mezintir e, ji ber ku cemawer, ew endamên perlemento bijartine..

Sebaretî hilbijartinên serokê Herêma Kurdistanê, pêwîst e hilbijartin di kolalên gund û bajarên Kurdistanê de bibin, ne di permementoyê de.. Dengê keç û xortên nûhatî ji bo vê yekê gelekî gerek e.. Berê me li pêş e, ne li paş e û pêş ji xortan re ye.. Çima emê di ser dengê wan re biqevêzin..? Ji mafê wan kesên nerêkxistinî ye ku li dengê wan jî bê guhdarî kirin.. Perlemento dengê wan hilnagire..

Werin em xwe bi xwe serokê xwe hilbijêrin û serê xwe ji kesî re neçimînin.. Ji wan kesên ku dixwazin me nema bikin.. û her dem bi hewildanin ku kurdan bi tawanên ne durist gunehkar bikin.. Pêwîste, em ji rêbaza Kurdayetiya durist venegerin û xwe bi xwe kêşeyên xwe çareser bikin.. Em tev di cenga hebûn û nebûnê de ne.. De werin em di bin ala Kurdistanê û serokatiya serok Mesûd Barzanî de bilivin û pêşkevin.

Kesên ku rast û durist evîndarên welatê xwe bin, bi pêşketin û serweriya welatê xwe re bin, wê hilbijartinan di kolanên Kurdistanê pêk bînin û kî dengan kom dike û dibe serokê herêmê bela ew be, em pêre û ez wî piroz dikim..

Sebaretî min, ez serokatiya Mesûd Barzanî ji bo herêmê, li gor rewşa me kurdan û halêhazir û berjewendiyên gelê kurd û misilmaniyê; ferz dibînim, ferzek eyn dibînim ne ferzek kîfaye… Hem jî dibînim ku, wefadarî û rûmete ji pêşmergên Kurdistanê re..

Ji niha ve ez serokatiya Herêma Kurdistanê li serok Mesûd Barzanî pîroz dikin.