10:41:21
Rojava News: Komîteya Xaça Sor a Navneteweyî di daxuyaniya xwe de ragihand ku li Yemenê ji ber şewba kolerayê 115 kes mirin bi hezaran însan jî ji ber şewbê nexweş ketine.
Li gorî daxuyaniya Komîteya Xaça Sor a Navneteweyî di hefteya dawî de li Yemenê 51 kes ji ber şewba kolerayê jiyana xwe ji dest da û dîsa ji ber şewbê heta niha 8 hezar û 500 kes jî nexweş ketine.
Şefê Komîteya Xaça Sor a Navneteweyî Domînîk Stillhart di daxuyaniya xwe ya li paytextê Sana ya Yemenê de got. "Niha em bi şewbeke cidî ya kolerayê re rû bi rû ne. Li gorî doneyên Wezareta Tendirustî ya Yemenê hejmara kesên ku ji kolerayê jiyana xwe ji dest dane gihîşte 115 kesan."
Domînîk Stillhart di berdewamiya axaftina xwe de got: "Tenê di hefteya dawî de hejmara yemeniyên ku ji ber şewba kolerayê jiyana xwe ji dest dan gihîşte 51 kesî, 8 hezar û 500 kes jî ji ber şewbê nexweş ketine. Belavbûna vê şewbê tenê ne ji tunebû ava paqij, xwarin û enfeksiyonên bakteriyel e. Ev şewb hê zêdetir e."
Li gorî Rêxistina Tendirustî ya Dinyayê Yemen jî wekî Sûriye, Sudana Başûr, Nîjerya û Iraqê yek ji welatê ku herî zêde rewşa wê ya însanî xirab e û pêwistiya wê bi alîkariya însanî heye.